istikman

mula sa isang bilog
at iilang linya
ikaw ay nabuo
mga brasong walang kamay
mga binting walang paa
ulong walang mukha

subalit...buhay.

nakatayo at patuloy
na kumakapit ang buong katawan
tila tingting sa kanipisan na
walang nararamdaman
manhid na buhay.

nakapagtataka...
niha..niho..ni katiting na hikahos

guhitan ng ngiti
isang umlaot na walang mukha
hayaan mong putulin ko ang braso
at hita

at patuloy ka pa ring tatayo
habambuhay. hanggat di
nabubulok ang kinakapitang
hiyas--isang papel.