Aka Boy negro

isa lamang siya
sa mga taong
namatay
at nagkapira-piraso
dahil sa grupong
nagpapaka-Kristo

binti't braso niya'y
natagpuan kung saan saan
ang mantsa ng siyudad
ay humahalo
sa bahid ng tao.
nilalang at latak
kawangis ng kapalran,
tuberiyas angkinahantungan

dungis man ng lipunan,
hindi nakalimot
sa pinanggalingan
kapwa tao'y
di tinalikuran
at tumugon
sa nangangailangan

mananabas man
ng kinabukasan
kaluluwa ma'y
impiyerno ang kahihinatnan,
ito lang ang natatanging pinanggagalingan
ng kaginhawaang ikinabubuhay
ng mga mahal sa buhay

pagktao man ay halang
at ngayo'y di mapangalanan

tao pa ring mapagkakakilanlan.